A Secretaria Xeral do Sindicato Labrego Galego-Comisións Labregas (SLG-CCLL), a gandeira e produtora de faba de Lourenzá Isabel Vilalba; o apicultor e integrante da Executiva do SLG-CCLL Brais Álvarez e a gandeira e vicerresponsábel do sector leiteiro Ana González reuniranse o vindeiro LUNS 12 de agosto ca nova Conselleira do Medio Rural, María José Gómez Rodríguez.
Logo dun prazo de cortesía tra-lo seu nomeamento, no mes de abril o SLG-CCLL realizou a solicitude formal desta xuntanza, que non foi confirmada ata fai uns días malia térmonos interesado por ela practicamente cada semana a través de contactos telefónicos e por correo electrónico ca Consellaría do Medio Rural.
Entre os temas a abordar, por parte do SLG trataranse, entre outros, as consecuencias da Enfermidade Hemorráxica Epizoótica (EHE) nas granxas galegas, a crise de sobreprodución na Ribeira Sacra, os baixos prezos no sector cárnico e leiteiro e os compromisos para a nova Política Agraria Común (PAC).
Á saída deste encontro, as representantes do Sindicato Labrego Galego trasladarán unha primeira valoración aos medios de comunicación. Estas declaracións terán lugar ás 11.30h. na entrada/saída do edificio administrativo da Xunta de Galicia en San Caetano (Santiago de Compostela).
17 Xuñ 2025
13 Xuñ 2025
30 Mai 2025
28 Mai 2025
27 Mai 2025
23 Mai 2025