SEMANA EN BRANCO POLA SUPERVIVENCIA. Tractorada en Lugo e Compostela: 13, 14, 15, 16 e 17 de xullo - Sindicato Labrego

SEMANA EN BRANCO POLA SUPERVIVENCIA. Tractorada en Lugo e Compostela: 13, 14, 15, 16 e 17 de xullo
- 26,Xuñ 2009
- Posted By : sicom
- 0 Comments
Botarémonos de novo cos tractores á rúa porque os prezos do leite seguen baixando e levan meses por embaixo dos custos de produción. A situación é insoportábel para as nosas explotacións.

Esiximos:

1.- Prezos mínimos que cubran custos e traballo de produción
2.- Que a Ministra do Medio Rural promova no Consello de Ministros/as de Agricultura da Unión Europea un cambio profundo na política leiteira para:

   a.- Eliminar o acordo tomado de aumento anual do un por cento da cota até o ano 2015
   b.- Reducir a cota global europea para equilibrar a oferta á demanda.
   c.- Redistribución do dereito a producir entre as explotacións da Unión Europea
   d.- Manter políticas de control da produción
   e.- Establecer un prezo mínimo para o leite que cubra custos e remunere o noso traballo.

3.- Que o Conselleiro do Medio Rural poña en marcha as axudas necesarias para que ningunha explotación teña que pechar.

O leite é das nosas vacas, poñámoslle o prezo.

Entre todas e todos podemos conseguilo.