Novas

O SLG comeza a coordenar a tractorada que terá lugar o vindeiro martes 26 de maio en defensa do sector leiteiro

• 15,Mai 2009
• Posted By : sicom
• 0 Comments

O Sindicato Labrego Galego pon en marcha a campaña de coordenación da mobilización en forma de tractorada que o sector ten programada para o vindeiro martes 26 de maio.

O sector leiteiro leva en mobilización dende fai tres meses pola crise provocada pola continua caída dos prezos. E só hai unha solución: fortes medidas de choque que doten de liquidez ás explotacións e a consecución da recuperación dos prezos dotándoos de mecanismos que nos garantan unha xusta estabilidade.

Na primeira parte algo tense avanzado por parte da Administración, índa que non o suficiente, xa que as medidas propostas nestes días polo Executivo galego non garanten que as explotacións poidan sobrevivir.

En canto aos prezos, a situación non ten mudado en absoluto, polo que que o sector seguirá coa súa “folla de ruta”, que ten planificada como seguinte mobilización unha tractorada para o martes dia 26.

Co fin de organizar e planificar esta mobilización o Sindicato Labrego Galego vai levar a cabo un número importante de asembleas comarcais. Nestas asembleas organizarase a nivel comarcal a convocatoria da tractorada, así como os lugares de concentración e os recorridos a levar a cabo para o dia 26 de maio.

• Vilalba, xoves 21 ás 22,00h no Hostal Restaurante Terra Cha de Vilalba.

• A Estrada, xoves 21 ás 22,00h

• Arzúa, mércores 20 ás 22,00h na casa da cultura.

• Sarria, xoves 21, ás 21,30 local slg

• Teixeiro, venres 22 ás 22,00h na casa Miraz

• Ordes, xoves 21 ás 22,00h na casa da cultura

• Friol, xoves 21 ás 16,30h no Centro Sociocultural

• Lugo, xoves 21 ás 12,00h Salón de Actos do edificio dos sindicatos.