O Sindicato Labrego Galego pide sistemas de control na medición do leite polas cisternas das empresas - Sindicato Labrego

O Sindicato Labrego Galego pide sistemas de control na medición do leite polas cisternas das empresas
- 31,Xan 2012
- Posted By : sicom
- 0 Comments
A inexistencia dun sistema de medición oficial nas cisternas de recollida que evite a fraude está a alimentar no sector a sospeita xeneralizada de que algunhas empresas pagan menos leite do que recollen; o cal, de ser certo, sería unha estafa amparada pola falla de controis da Administración e un lastre máis para un sector que, como é o lácteo, ve constantemente reducida a rendibilidade do seu traballo polos prezos miserables que impón a industria e as constantes subas dos custes de produción.

Por todo o devandito, dende o SLG demandamos un sistema de medición oficial que impida a fraude, do mesmo xeito que existe noutros sectores, como as gasolineiras; e que dea garantías ás explotacións para que recuperen a confianza perdida.