O Sindicato Labrego Galego asesorará ás explotacións gandeiras afectadas polo concurso de acredores de Xertigan - Sindicato Labrego

O Sindicato Labrego Galego asesorará ás explotacións gandeiras afectadas polo concurso de acredores de Xertigan
- 09,Out 2013
- Posted By : sicom
- 0 Comments
O obxectivo da reunión é informar ás explotacións socias de Xertigan dos datos publicados no informe do administrador concursal e estudar, caso por caso, se cada débeda reflectida nese documento coincide coa reclamada por cada gandeiro ou gandeira. En caso contrario, o servizos xurídicos do SLG asesorarán e apoiarán a todas aquelas persoas que queiran reclamar, proceso para o que se abriu un prazo que rematará o vindeiro 21 de outubro.

Previamente, dende o Sindicato Labrego Galego asesorouse a varios socios de Xertigan para que comparecesen no concurso de acredores de cara a ter acceso ao devandito informe e poder facilitar o seu contido a todas as explotacións afectadas na xuntanza do xoves pois, segundo a secretaria xeral do SLG, “non teñen os datos necesarios para poder defenderse nin para ter garantías neste proceso. Con esta asemblea pretendemos informar para que todos e todas coñezan exactamente a débeda que a cooperativa ten con cada un/ha e para que quen queira poida reclamar con vistas a que non se conculquen os seus dereitos”.