Tal e como nos teñen afeitos e afeitas, cada país dedicarase a defender a súa posición e a contentar aos seus lobbies en primeiro lugar. E non han faltar voces que nos van ofrecer como solucións ao cambio climático aberracións como os transxénicos, os agrocarburantes ou a biotecnoloxía.
Pola nosa banda, os labregos e labregas da Vía Campesina, denunciaremos que somos as primeiras vítimas do cambio climático, xa que traballamos cada día coa terra, co clima e coa natureza. E é por iso que sabemos e denunciamos que a agricultura industrial é unha das grandes culpables dos trastornos climáticos. Por iso, dende a Coordinadora Europea da Vía Campesina, e cun especial papel protagonista por parte da Confédération Paysanne como organización anfitrioa, organizaremos e apoiaremos mobilizacións en París para denunciar as falsas solucións que nos pretenden impor e para defender a agricultura labrega baseada na agroecoloxía como unha das principais accións a desenvolver para frear o cambio climático.
Se queres afondar máis nos efectos sobre o clima que teñen a agricultura industrial e a agricultura labrega, descarga o documento que atoparás na seguinte icona, extraído do Fouce 305:
17 Xuñ 2025
13 Xuñ 2025
30 Mai 2025
28 Mai 2025
27 Mai 2025
23 Mai 2025