As organizacións agrarias levan a campaña de mobilizacións do sector lácteo ás grandes superficies comerciais - Sindicato Labrego

As organizacións agrarias levan a campaña de mobilizacións do sector lácteo ás grandes superficies comerciais
- 20,Set 2012
- Posted By : sicom
- 0 Comments
En concreto, fixéronse piquetes informativos en establecementos da cadea Gadis e Eroski de Lugo e Carballo. Na primeira delas, ofertábase leite da marca “Campo nuestro” a un prezo de 48 céntimos, mentres que na segundo vendíase “Bomilk” a 49 céntimos o litro. A secretaria xeral do Sindicato Labrego Galego, Isabel Vilalba, acudiu ás protestas de Lugo, onde se fixo un percorrido por diversos locais destas cadeas de distribución dende a avenida da Coruña até a praza de Santo Domingo.

Ao longo deste roteiro, repartíronse centos de panfletos nos que se lle informou á xente de a pé, e á clientela destes centros comerciais, sobre estas prácticas que están a destruír ao sector lácteo a ao noso medio rural.