Hoxe tod@s vemos como o sector lácteo galego agoniza ante a pasividade da Administración Pública, que di non poder facer nada en cuestións tan absolutamente determinantes como o prezo que se lle paga aos produtores/as.
Mentras en Franza, por exemplo, non se fala de obstáculos legais e se implementan acordos coa industria e a distribución que permitan subir o prezo que reciben os produtores/as, no noso país, Galiza, a situación que hoxe vive o sector é dramática. Pódese falar da xeralidade da situación de cobrar prezos que non cubren os custes de produción. Así, pode estimarse en 3 milleiros as granxas que están a cobrar prezos por baixo dos 26 céntimos o litro.
Trátase dunha situación prolongada no tempo, sen que desde os poderes públicos se actúe, amparando a súa inacción en trabas, seica, “legais”.
En localidades e comarcas, como a que hoxe se mobiliza, Arzúa, a importancia do sector é vital; non só desde un punto de vista económico, senón tamén social. Sen sector lácteo, esta comarca -como outras no país- ten o risco grave de agonizar.
É por iso necesaria a implicación social e institucional na defensa do sector nas mobilizacións que ao longo do mes de agosto se desenvolverán en diversas localidades galegas.
Na tractorada de hoxe, pois nisto consiste a mobilización, os tractores desprazaranse desde Arzúa á veciña localidade de Melide, na que se sumarán máis tractores á mobilización, retornando a Arzúa, concentrándose diante da Cooperativa Arzuana, para proseguir cunha manifestación a pé até as portas do Concello e lectura, alí, dun manifesto. Manifestación convocada pola Plataforma pola Defensa do Sector Lácteo Galego, que se desenvolve entre as 11 e as 14 h. e á que chamamos a participar desde o SINDICATO LABREGO GALEGO.
17 Xuñ 2025
13 Xuñ 2025
30 Mai 2025
28 Mai 2025
27 Mai 2025
23 Mai 2025