Novas

Mariam Sissoko, Coordinadora en África da organización labrega internacional Vía Campesina, aboradará os impactos do cambio climático na agricultura

• 21,Abr 2009
• Posted By : sicom
• 0 Comments

Na mañá de hoxe, a presidenta da CNOP -Coordinación Nacional de Organizacións Campesiñas de Mali- e coordinadora en África do movemento Vía Campesina, Mariam Sissoko, trasladou en rolda de prensa en Santiago de Compostela o seu apoio aos pequenos labregos se labregas da Galiza.

 Asemade, sinalou a grande importancia que a agricultura ten tamén no seu país, Mali, onde un 80% da poboación se adica a esta actividade, sendo ademais as mulleres (que representan un 56% da poboación total) quenes asumen a meirande parte do traballo, ao que se lle engade o coidado da familia e a xestión dos fogares.

 M. Sissoko salienteou as dificultades para acceder á auga coma unha das máis graves problemáticas das labregas e labregos de Malí, quenes malia a ser o 80% da poboación constitúen o estrato social con maiores dificultades económicas.
Baixo o título “Consumo responsable e Cambio climático”, Mariam Sissoko abordará os impactos que o cambio climático supoñen na agricultura.

Sissoko debullará tamén o traballo que desde a CNOP e Vía Campesina se está facer a prol da loita pola soberanía alimentaria no continente, así como a necesidade de fomentar un medio rural vivo en confrontación ao modelo de produción e consumo capitalista.
***Mariam Sissoko dará conferencias nas principais vilas galegas entre o 21 e o 24 de abril.